Maafisa wa Lebanon wamesema, ndege ya Ethiopia iliyoanguka baharini huko Beirut siku ya Jumatatu haikuelekea upande uliopendekezwa na mnara wa kuongozea ndege.

Maafisa wa serikali wamesema rubani wa ndege ya Ethiopia alishauriwa kubadili mwelekeo, lakini akaenda upande tofauti.

Haijafahamika wazi kwanini hilo lilitokea, au kama ilikuwa nje ya uwezo wa rubani.

Serikali inaendelea kutafuta miili ya watu 90 waliokuwepo kwenye ndege hiyo, ambao wote wanasadikiwa kufariki dunia.

Watu zaidi ya 24 wameopolewa kwenye bahari ilipodondoka ndege hiyo mpaka sasa.