You Are Here: Home - HABARI ZA KIMATAIFA , HABARI ZA LEO - Rais wa Yemen aahidi kujibu mashambulizi

IDADI YA WATU WALIOSOMA HABARI HII:

Yemen inaelekea katika vita vya wenyewe kwa wenyewe wakati Rais Ali Abdullah Saleh leo akiahidi kujibu mashambulizi baada ya kujeruhiwa kwa maroketi yaliyofyatuliwa na wapinzani wa kundi la makabila kwenye Ikulu.


Rais Saleh ambaye kwa miezi kadhaa amekuwa anakabiliwa na upinzani dhidi ya utawala wake, alijeruhiwa kidogo kisogoni. Serikali ya Rais Saleh inalishutumu kundi hilo la kikabila linaloongozwa na Sheikh Sadiq al-Ahmar kuhusika na shambulio hilo.


Katika taarifa iliyotolewa jana jioni, Rais Saleh ambaye anatibiwa katika hospitali ya wizara ya ulinzi mjini Sanaa, amesema anaendelea vizuri na kuongeza kusema kuwa mashambulio hayo yamewaua watu saba.


Wakati huo huo, Ujerumani leo imeamuru kufungwa kwa ubalozi wake nchini Yemen na kurudishwa haraka kwa wafanyakazi wake kutokana na machafuko yanayoendelea nchini humo.


Taarifa ya wizara ya mambo ya nchi za nje imesema japokuwa mapigano kwenye mji mkuu wa Sanaa hayawalengi raia wa kigeni, hatari iliyopo ndiyo imeisababisha wizara hiyo kuchukua uamuzi huo.

Tags: HABARI ZA KIMATAIFA , HABARI ZA LEO