KATIKA hali isiyokuwa ya kawaida, mbuzi mmoja wilayani hapa amezaa kiumbe cha ajabu chenye sura ya binadamu.
Tukio hilo la aina yake lilitokea Jumamosi usiku katika Kijiji cha Isongole, wakati mbuzi huyo pamoja na mifugo mingine ikirejeshwa nyumbani na mchungaji aliyejulikana kwa jina la Safari Simbeye (16).
Akizungumzia tukio hilo, Safari alisema kuwa alikuwa akiirejesha mifugo hiyo nyumbani na
kwamba akiwa anakaribia kufika nyumbani mbuzi huyo alipata uchungu na kujifungua kiumbe
hicho cha ajabu, “nilikibeba na kukipeleka ndani na kisha kwenda kumuita baba,” alisema na
kuongeza kuwa kilikufa muda mfupi baada ya kuzaliwa.
Alisema kuwa wakati anakwenda kumuita baba yake, baadhi ya watu waliokiona kiumbe hicho walianza kukusanyika kwa wingi kwa lengo la kwenda kushuhudia kiumbe hicho cha ajabu kilichozaliwa, ambapo Mzee Daniel Simbeye aliwazuia wananchi wasiingie nyumbani kwake kwa hofu kuwa wangeanzisha vurugu.
Mwenyekiti wa Kitongoji, Mwimika Fumbo alisema kutokana na vurugu kuongezeka huku watu wakishinikiza wakione kiumbe hicho, walikitoa nje na kushuhudiwa na mamia ya watu waliokuwa wamejazana katika eneo hilo.
Alisema baada ya kuona kuwa kuna dalili ya vurugu walitoa taarifa polisi ambao waliwasili
katika eneo hilo wakiwa na gari lenye namba za usajili PT 0657 Toyota Landcruiser na kuondoka na kiumbe hicho cha ajabu.
0 comments