You Are Here: Home - - Ghasia zachukua sura mpya Misri. Wanaomuunga Mkono Bubarak wapambana na waandamanaji

IDADI YA WATU WALIOSOMA HABARI HII:

Wafuasi wa Rais wa Misri, Hosni Mubarak wamekabiliana na waandamanaji wanaomtaka kiongozi huyo aondoke madarakani katikati mwa mji wa Cairo.


Maelfu ya wafuasi wa Bw Mubarak walimiminika kwenye eneo la Tahrir na kuondoa vizuizi vilivyokuwa vimewekwa na waandamanaji.


Pande hizo mbili zilirushiana maneno kabla ya kuanza kurushiana mawe.


Jeshi ambalo awali lilitoa wito kwa waandamanaji kutawanyika na kurejea katika shughuli zao za kawaida bado halijaingilia kati.


Taarifa ambazo hazijathibitishwa zinasema maafisa wa polisi waliokuwa wamevalia kiraia walikuwa miongoni mwa baadhi ya wafuasi wa Bw Mubarak waliojitokeza katika eneo la Tahrir.


Mapambano mengine yameripotiwa kwenye mji wa Alexandria.

Tags: