IDADI YA WATU WALIOSOMA HABARI HII: MWANAFUNZI wa kidato cha tano wa Shule ya Sekondari Don Bosco ya Dar es Salaam amejinyonga kwa kamba ya katani bafuni. Kaimu Kamanda wa Polisi wa Mkoa wa Kagera, Vitus Mlolele, amemtaja marehemu kuwa ni Amon Baganda (24), aliyekuwa akiishi na wazazi wake katika eneo la Nyamkazi mjini Bukoba. Mlolele amesema, Amon alijinyonga Novemba 21, saa mbili usiku. Wakati kijana huyo anajinyonga, wazazi wake hawakuwepo nyumbani, waliporudi walimtafuta kwenye simu yake ya mkononi lakini iliita tu. Mlolele amesema, mwili wa mwanafunzi huyo ulikutwa ukining'inia bafuni ukiwa umefungwa kwa kamba ya katani. Kijana huyo ameacha ujumbe wa maandishi kwamba, aliwapenda sana ndugu zake na wasimlaumu kwa uamuzi wake.