Akizungumza na gazeti hili jana, Dk Slaa alisema, Dowans iliingia nchini kwa uzembe wa serikali hivyo Rais Kikwete anapaswa kueleza kwanza serikali yake inawajibikaje, kabla ya kuwataka Watanzania walipe fedha hiyo.
"Kampuni ya Dowans iliingia nchini kwa baraka za Baraza la Mawaziri wakati Kikwete akiwa mwenyekiti. Uzembe huu ulifanyika yeye akiwa anaona na kama hajui basi yeye hakuwajibika, na kama alijua basi yeye ni sehemu ya uzembe huo. Atuambie kwa nini tulipe Dowans kwa uzembe wa serikali yake?" alihoji.
Aliendelea, "Ukilitazama jambo hilo kwa undani, utagundua kuwa baada ya Lowassa kujiuzulu katika sakata la Richmond, mtu aliyetakiwa kumfuata ni Kikwete, kwani ndiye aliyebariki ujio wa kampuni hiyo nchini na baadaye Dowans."
Alisema "Kikwete anahusika na Dowans kwani mwaka 2007 ndiye aliyekutana na waandishi wa habari Uwanja wa Taifa jijini Dar es Salaam na kueleza kuwa ameshawasiliana na kampuni moja kuja nchini kuzalisha umeme kwa bei nafuu. Na siku chache baadaye, mfanyabiashara mmoja maarufu nchini (jina linahifadhiwa) akaleta mitambo hiyo."
Dk Slaa alisema hayo baada ya gazeti hili kumtaka aeleze endapo ana uthibitisho wowote, anapomtuhumu Rais Kikwete kuhusika na Dowans.
Jana baadhi ya vyombo vya habari nchini, viliinukuu Kurugenzi ya Habari na Mawasiliano ya Rais Ikulu ikieleza kuwa kitendo cha Dk Slaa kumhusisha Rais Kikwete na Dowans ni uzushi na kinalenga kumpaka matope.
Lakini alipotakiwa kuzungumzia suala hilo jana, Dk Slaa alisema hawezi kujibizana na Kurugenzi hiyo inayofanya kazi chini ya rais kwa kuwa siyo saizi yake.
"Waliomjibia Kikwete siwezi kujibizana nao kwa kuwa sio saizi yangu. Nataka Kikwete mwenyewe ajitokeza ajibu kama mimi nimesema wongo," alisema Dk Slaa.
Ulipaji wa fidia hiyo unafuatia uamuzi uliotolewa na Mahakama ya Kimataifa ya Usuluhishi wa Migogoro ya Biashara (ICC Court), Novemba 15, mwaka huu chini ya Mwenyekiti Gerald Aksen na wasuluhishi Swithin Munyantwali, Jonathan Parker uliamuru Tanesco iilipe Dowans kiasi hicho cha fedha.
Dowans ilifungua shauri katika ICC, ikilalamikia Serikali ya Tanzania kupitia Shirika la Umeme Tanzania (Tanesco), kuvunja mkataba kabla ya wakati na kinyume cha makubalino kwenye mkataba husika.
Awali baada ya uamuzi huo kufikiwa, Tanesco ilionyesha nia kwamba ingechukua hatua za kukata rufaa, lakini kauli ya Mwanasheria Mkuu wa Serikali, Jaji Frederick Werema kwamba haoni sababu ya kufanya hivyo inaonekana kama imeyeyusha ndoto hizo za Tanesco.
Mkurugenzi Mkuu wa Tanesco, William Mhando aliwahi kuwaambia wahariri wa vyombo mbalimbali vya habari kuwa shirika lake lingeweza kutoa tamko kuhusu hatua za kuchukua kuhusu uamuzi wa ICC, lakini akaweka wazi kuwa walikuwa wakisubiri uamuzi huo kusajiliwa rasmi katika Mahakama Kuu nchini.
Hata hivyo, kutokana na kauli ya Mwanasheria Mkuu wa Serikali, sasa ni rasmi kwamba hakutakuwa na hatua zozote za kisheria dhidi ya uamuzi wa ICC na badala yake Tanesco watatakiwa kujipanga kuwalipa Dowans mabilioni hayo ya shilingi kama walivyoamriwa.
Akizungumza na Mwananchi baada ya hafla ya kuapishwa kwa Jaji Mkuu mpya, Mohamed Chande Othman Desemba 27, mwaka jana, Jaji Werema alisema ameshamaliza kuisoma hukumu hiyo na kufanya uamuzi ambao tayari ameukabidhi kwa Waziri wa Nishati na Madini William Ngeleja kwa ajili ya hatua nyingine baada ya kuridhika nayo.
“Mimi kama Mwanasheria Mkuu wa Serikali nimeisoma hukumu hiyo kwa makini na nimeridhika nayo kuwa iko sawa,” alisema Jaji Werema.
Waziri Ngeleja juzi aliliambia Mwananchi kwamba serikali inaendelea kujipanga kutekeleza ushauri wa Mwanasheria Mkuu wa Serikali kuhusu Dowans.
Taarifa za ndani ya Tanesco, zinasema kwamba shirika hilo limeanza kuweka fedha kwa ajili ya malipo katika benki moja (jina tunalihifadhi kwa sasa) jijini Dar es Salaam.
"Kampuni ya Dowans iliingia nchini kwa baraka za Baraza la Mawaziri wakati Kikwete akiwa mwenyekiti. Uzembe huu ulifanyika yeye akiwa anaona na kama hajui basi yeye hakuwajibika, na kama alijua basi yeye ni sehemu ya uzembe huo. Atuambie kwa nini tulipe Dowans kwa uzembe wa serikali yake?" alihoji.
Aliendelea, "Ukilitazama jambo hilo kwa undani, utagundua kuwa baada ya Lowassa kujiuzulu katika sakata la Richmond, mtu aliyetakiwa kumfuata ni Kikwete, kwani ndiye aliyebariki ujio wa kampuni hiyo nchini na baadaye Dowans."
Alisema "Kikwete anahusika na Dowans kwani mwaka 2007 ndiye aliyekutana na waandishi wa habari Uwanja wa Taifa jijini Dar es Salaam na kueleza kuwa ameshawasiliana na kampuni moja kuja nchini kuzalisha umeme kwa bei nafuu. Na siku chache baadaye, mfanyabiashara mmoja maarufu nchini (jina linahifadhiwa) akaleta mitambo hiyo."
Dk Slaa alisema hayo baada ya gazeti hili kumtaka aeleze endapo ana uthibitisho wowote, anapomtuhumu Rais Kikwete kuhusika na Dowans.
Jana baadhi ya vyombo vya habari nchini, viliinukuu Kurugenzi ya Habari na Mawasiliano ya Rais Ikulu ikieleza kuwa kitendo cha Dk Slaa kumhusisha Rais Kikwete na Dowans ni uzushi na kinalenga kumpaka matope.
Lakini alipotakiwa kuzungumzia suala hilo jana, Dk Slaa alisema hawezi kujibizana na Kurugenzi hiyo inayofanya kazi chini ya rais kwa kuwa siyo saizi yake.
"Waliomjibia Kikwete siwezi kujibizana nao kwa kuwa sio saizi yangu. Nataka Kikwete mwenyewe ajitokeza ajibu kama mimi nimesema wongo," alisema Dk Slaa.
Ulipaji wa fidia hiyo unafuatia uamuzi uliotolewa na Mahakama ya Kimataifa ya Usuluhishi wa Migogoro ya Biashara (ICC Court), Novemba 15, mwaka huu chini ya Mwenyekiti Gerald Aksen na wasuluhishi Swithin Munyantwali, Jonathan Parker uliamuru Tanesco iilipe Dowans kiasi hicho cha fedha.
Dowans ilifungua shauri katika ICC, ikilalamikia Serikali ya Tanzania kupitia Shirika la Umeme Tanzania (Tanesco), kuvunja mkataba kabla ya wakati na kinyume cha makubalino kwenye mkataba husika.
Awali baada ya uamuzi huo kufikiwa, Tanesco ilionyesha nia kwamba ingechukua hatua za kukata rufaa, lakini kauli ya Mwanasheria Mkuu wa Serikali, Jaji Frederick Werema kwamba haoni sababu ya kufanya hivyo inaonekana kama imeyeyusha ndoto hizo za Tanesco.
Mkurugenzi Mkuu wa Tanesco, William Mhando aliwahi kuwaambia wahariri wa vyombo mbalimbali vya habari kuwa shirika lake lingeweza kutoa tamko kuhusu hatua za kuchukua kuhusu uamuzi wa ICC, lakini akaweka wazi kuwa walikuwa wakisubiri uamuzi huo kusajiliwa rasmi katika Mahakama Kuu nchini.
Hata hivyo, kutokana na kauli ya Mwanasheria Mkuu wa Serikali, sasa ni rasmi kwamba hakutakuwa na hatua zozote za kisheria dhidi ya uamuzi wa ICC na badala yake Tanesco watatakiwa kujipanga kuwalipa Dowans mabilioni hayo ya shilingi kama walivyoamriwa.
Akizungumza na Mwananchi baada ya hafla ya kuapishwa kwa Jaji Mkuu mpya, Mohamed Chande Othman Desemba 27, mwaka jana, Jaji Werema alisema ameshamaliza kuisoma hukumu hiyo na kufanya uamuzi ambao tayari ameukabidhi kwa Waziri wa Nishati na Madini William Ngeleja kwa ajili ya hatua nyingine baada ya kuridhika nayo.
“Mimi kama Mwanasheria Mkuu wa Serikali nimeisoma hukumu hiyo kwa makini na nimeridhika nayo kuwa iko sawa,” alisema Jaji Werema.
Waziri Ngeleja juzi aliliambia Mwananchi kwamba serikali inaendelea kujipanga kutekeleza ushauri wa Mwanasheria Mkuu wa Serikali kuhusu Dowans.
Taarifa za ndani ya Tanesco, zinasema kwamba shirika hilo limeanza kuweka fedha kwa ajili ya malipo katika benki moja (jina tunalihifadhi kwa sasa) jijini Dar es Salaam.
Comments Kwa hisani ya Mwananchi.com
Awaambie hawa mafisadi kila mtu achukue msalaba wake. Rais aamue kuchukua msalaba wa watanzania. Ashirikiane na bunge kutekeleza majukumu yake. Haya mambo ya siri siri ndio hayo yanamchafua na kumuumbua. Dr Slaa anauchungu na Tz, ya leo na umasikini, na hali ya mtanzania ilivyo. Anajiuliza ni kwa nini Mtanzania hapigi hatua siku zote ni kudanganywa tu. Hotuba yake ya mwaka mpya hakuweza kulifafanua alipita juujuu tu. Ninawaomba ndugu zangu watanzania hili swala la Dawans si la chama cha CCM,CHADEMA, CUF WALA TLP. Tushirikiane wote tujie serikali yetu inafanya nini katika kumsaidia huyu mtanzania ili aweze kutoka kwenye ulimwengu wa giza na kuingia kwenye ulimwengu wa kisasa. Wanaomlaumu Dr SLAA hao ni watanzania wa IKULU ambao wanamshauri Rais upumbvu ili akae mbali na wananchi wake.
Angekuwepo Nyerere angesema.
Hatulipi hiyo hela na mitambo tunachukua fanyeni mtakalo.
Kila kitu kilikuwa wazi, hakukuwa na sababu ya kesi hiyo kushindwa, lakini hata kulipa hiyo Hela Serikali imekubali kuilipa Dowans.
Hii nchi sasa imetuchoka tufanye mageuzi makubwa sana mmoja mmoja, na kwa pamoja.
pili iweje tulipe wakati hatujui ninani hasa mmiliki wa hiyo kitu
tatu,hao mawakala walitumwa na nini,
ni wizi tu huo wakutaka kurudisgha hera ssem hizo so NO KULIPA HILO DENI